ساڵانێکە دروشمی “دروستکراوی ژاپۆن” پەیوەستە بە دیسیپلین و وردبینی و دڵسۆزی هێزی کاری ژاپۆن. بەڵام ئەمڕۆ، ڕووبەڕووی کاتێکی گرینگ بووەتەوە. تۆیۆتا کە گەورەترین کۆمپانیای دروستکردنی ئۆتۆمبێلە لە جیهاندا، ڕووبەڕووی واقیعێکی توند دەبێتەوە:
بەرهەمهێنان بەردەوام نابێت بەبێ ئەوەی تا ساڵی ٢٠٤٠ پشتبەستنی بە هێزی بیانی سێ هێندە زیاد بکات.
بەپێی شیکارییە نوێیەکان، ژاپۆن دەتوانێت شکست بهێنێت لە بەرهەمهێنانی ئۆتۆمبێلێک لە هەر چوار ئۆتۆمبێلی پلان بۆ داڕێژراو ئەگەر چارەسەری کەمیی هێزی کار نەکرێت. ئەمەش لە کاتێکدایە کە کۆمپانیاکە خۆی ئامادە دەکات بۆ کردنەوەی یەکەم کارگەی نوێی ئۆتۆمبێل لە ژاپۆن لە ساڵی ٢٠١٢ەوە، پێشبینی دەکرێت لە ساڵانی ٢٠٣٠دا کار بکات.
کردەوەی بەپەلە بۆ ڕزگارکردنی پیشەسازی
تۆیۆتا بە خێرایی هەنگاو دەنێت بۆ ڕاکێشانی کرێکاری بیانی زیاتر، نەک تەنها بۆ پڕکردنەوەی بۆشایی ئێستا بەڵکو بۆ پاراستنی داهاتووی پیشەسازی ئۆتۆمبێلی وڵاتەکە. ژاپۆن یەکێک لە گەورەترین قەیرانە دیمۆگرافییەکانی جیهان بەخۆیەوە دەبینێت، ئەمەش کاریگەری ڕاستەوخۆی لەسەر کەرتەکانی بەرهەمهێنانی قورس هەیە.
ژمارەکان بۆ خۆیان قسە دەکەن… واقیع لەوە قورسترە کە پێدەچێت
ئامارەکانی کەرتی ئۆتۆمبێلی ژاپۆن قووڵایی قەیرانەکە ئاشکرا دەکەن:
تەنها 9%ی هێزی کاری کەرتەکە هاووڵاتی بیانین، لە کۆی نزیکەی یەک ملیۆن کارمەند.
ئەم ڕێژەیە لە 4% لە ساڵی 2008 بۆ 9% لە ساڵی 2023 بەرزبووەتەوە، بەڵام ئەم گەشەسەندنە هێشتا زۆر لە خوار ئاستی پێویستەوەیە.
بۆ پاراستنی بەرهەمهێنانی ٨ ملیۆن ئۆتۆمبێل ساڵانە، دەبێت تا ساڵی ٢٠٤٠ پشکی کرێکاری بیانی بۆ ٢٧% بەرزبێتەوە.
ئەگەر ئەمە نەبێت، شارەزایان پێشبینی دابەزینی ئاستی بەرهەمی ناوخۆیی تا 25% دەکەن، ئەمەش گورزێکی قورس دەبێت لە ئابووری ژاپۆن.
نەوەی ئەلفا… گرەوەکەی تۆیۆتا بۆ داهاتوو
تۆیۆتا گرەو لەسەر گۆڕانکاری لە کولتوری کۆمەڵایەتیدا دەکات، بەتایبەتی لەنێو نەوەی ئەلفا (ئەوانەی لە دوای ساڵی ٢٠١٠ لەدایکبوون).
بەپێی وتەی پرۆفیسۆر ئاتسوشی کۆگۆما لە زانکۆی سانۆ لە تۆکیۆ، ئەم نەوەیە زیاتر قبوڵ دەکات کارکردن لەگەڵ بیانییەکان و زیاتر کراوەیە بۆ کولتوورە جۆراوجۆرەکان- هۆکارێک کە تۆیۆتا بانکی لەسەر دەکات بۆ گۆڕینی ژینگەی کارکردنی پیشەسازی لە ژاپۆن لە ساڵانی داهاتوودا.
ئاکیۆ تۆیۆدا: “بەهەموو نرخێک بەرهەمی ناوخۆیی دەپارێزین.”
پاراستنی پیشەسازی لە ناوخۆی ژاپۆن زۆر پێویستیەکی نیشتمانییە، چونکە هەر کەمبوونەوەی 10%ی قەبارەی بەرهەمهێنان دەبێتە هۆی کەمبوونەوەی نزیکەی 1% لە بەرهەمی ناوخۆیی.
لە بەیاننامەیەکی بەهێزدا، سەرۆک ئاکیۆ تۆیۆدا دووپاتیکردەوە؛
ئاماژەی بەوەشکردووە، “بەهەموو نرخێک بەرهەمی ناوخۆ دەپارێزین”.
بە ڕەنگدانەوەی ئەم پابەندبوونە، تۆیۆتا لە سەرەتای مانگی نیساندا لە بۆنەیەکی تایبەتدا پێشوازی لە ٢٣١٧ کارمەندی نوێی کرد، کە ئۆتۆمبێلی پێشبڕکێی تۆیۆتا جی ئاڕ جی تی ٣ و چەمکی لوکس سەدەی کوپ نمایشکرد- پەیامێکی ڕوون:
داهێنان بەردەوامە، بەڵام ئەو دەستانەی کە دروستی دەکەن لە هەموو کاتێک زیاتر جیهانین.
پوختە: تۆیۆتا نەک هەر ستراتیژی خۆی ڕێکدەخات بەڵکو چەمکی “دروستکراوی ژاپۆن”یش دادەڕێژێتەوە بۆ ئەوەی لەگەڵ واقیعێکی نوێی تەحەددیاتی دیمۆگرافی و ئابووریدا بگونجێت.
لەگەڵ چوونە ژوورەوەی کرێکارانی بیانی بۆ ناو دڵی کارگەکانی ژاپۆن، پێدەچێت داهاتووی پیشەسازی ژاپۆن بە چەندین زمان بنووسرێت… بەڵام لە ژێر یەک لافیتەدا:
کوالیتی ژاپۆنی نامێنێت؛ پەرەدەستێنێت.
